Zëvendëskryeministri i Kosovës dhe ministri i Punëve të Jashtme, Behgjet Pacolli ka takuar sot homologen e tij bullgare, Ekaterina Zaharieva, raporton arbresh.info.

Ministri Pacolli përmes një postimi në faqen e tij zyrtare në Facebook ka shkruar se ka marrë mbështetjen nga ministrja e jashtme të bullgarisë për liberalizimin e vizave për Kosovën.

“Mirënjohës ndaj homologes time, Ministres së Jashtme bullgare Ekaterina Zaharieva për mbështetjen e saj parimore për liberalizimin e vizave për Kosovën dhe nevojën që anëtarët e BE të “përmbushin premtimet e tyre” për reformat që ka ndërmarrë Kosova. Evropa duhet të tregojë lidership, të mos tërhiqet nga rajoni ynë. Kosova ka përmbushur të gjitha kriteret e kërkuara”, ka shkruar Pacolli.

Sipas tij, Komisioni Evropian dhe Parlamenti Evropian i kanë njohur reformat tona. Tani koha për të vendimmarrje. Sfidat e brendshme në BE nuk janë justifikim për ta mbajtur popullin e Kosovës të izoluar./Arbresh.info